Novas a pitzus de sa "Carta Giovani <26" de sa Regioni Sarda
Cumenti me is disponimentus de su Cunsìgiu de Europa e de sa Commissioni Europea e in coerèntzia cun sa detzisioni pigada dae s'Associatzioni Carta Giovani, dae su 1 de Gennaxu de su 2009, sa Regioni Sardinnia at permìtiu de giai sa Carta Giovani puru a is giòvunus fintzas a is 30 annus. Su Comunu de Gonnonò si impinniat duncas a allàrgai su progetu a totus is picciocus/as fintzas a is 30 annus, assigurendi formas de informatzioni, comunicatzioni e publicidadi a pitzus de sa Carta giovani. A pustis de ai presentau custa Carta Giovani su 29/12/2008, immoi su Comunu de Gonnonò est duncas impinniau in su tesseramentu de is giòvunus e totu. Est pretzisu donai a is impreaus unu indiritzu e mail po podi informai totus a pitzus de is initziativas chi ant a benni prumòvias in su terrotòriu. Po totus is personas chi non tenint unu indiritzu e mail, su Comunu si pigat s'impinniu de fai scì a pitzus de custas initziativas cun atras formas de publicidadi. At a essi luegu disponìbili puru sa guida de sa Carta Giovani.