S'Istòria de Gonnonò e Figu contada cun fotografias
S’Amministratzioni bolit fai unu lìburu nou cun fotografias antigas de Figu e Gonnonò. Totus cussus chi tenint allògadas fotografias bèccias e bolint chi custas bengiant publicadas in su volumi nou, funt invitaus a ddas cunsinniai in su Comunu, su lunis, su mèrcuis e su cenàbara dae is noioras a sa una. Si pedeus chi is fotografias siant accumpangiadas da una didascalia sa prus giusta possibili.
Is fotografias ant a benni regortas fintzas a sa metadi de austu e ant a benni torradas a is meris in pagu dis. Assiguraus sa publicatzioni a su mancu de una fotografia po onnia familia; si s’at a podi fai, nd’eus a publicai puru prus de una a scioberu de s’Amministratzioni. Is personas chi ant giai donau materiali po s’atru lìburu e iant bolli chi calincuna atra fotografia bengiat posta in su volumi nou, est pregau de ddu fai scì in su Comunu.
Una borta fatu, su liburu at a essi bendiu a sa popolatzioni.
Si saludaus , cunvintus ca eis a respundi in medas a custu invitu.